وسن : شاقول الحين انه .. صدقيني ما اتكلم روسي .. علشان ما تفهمين
اسماء " تسرع من خطواتها لأنها حست بالحر " : انزين خلاص .. فهمت
وسن : ردي الحين انتي البيت وقعدي على ايميلج نتكلم
اسماء " ما عجبتها الفكرة " : لا ما ظن بقعد الحين .. بتفطر اول .. وبريح شوي .. تالي بقعد
وسن : على العموم انه بكون قاعده في كل وقت
اسماء : اوكي .. يالله سي يو
وسن : بااي
اسماء تتجه لأحد الكفتيريات المنتشره على طريق المدرسة ..
اسماء " تطلع الفلوس من مخبا بانطلونها الجينز " : ها بيا .. عطني واحد بيبسي دايت
الهندي " يفتح باب الثلاجة ويمد لها البيبسي " : تفزل
اسماء " تحمل علبة البيبسي " : شكرا
وبعد فترة قصيرة .. وصلت للبيت ..
دخلت البيت .. ورمت بشيلتها الي كانت لافه ابها شعرها القصير على احد الكنب .. وفتحت لها التلفزيون .. وقعدت تشرب في البيبسي واهي اتفرفر في قنوات التلفزيون بشكل عشوائي ..
الخدامه تنتبه لأحد موجود في البيت .. وتخرج لبره المطبخ تصرخ : هراااامي .. هرااامي .. لحقوا علييي
اسماء " تغص .. وتنط من مكانها " : وين ؟ وين الحراامي
الخدامه " تخفف من نبرة صوتها .. وتتقدم ل اسماء " : هذا انت
اسماء : لا انتي
الخدامه : الله يكربل بليس مال انت
اسماء : ليش ؟ شسويت ؟
الخدامه " تحرك يديها قدام اسماء " : سنو انت .. ما يطق جرس ما يسوي احم احم .. سيده يدخل يقعد يفته تلفزيون ويجوفي
اسماء " تقعد على الكنبه وتحط ريلها على الطاولة الي قدامها " : علامج جايفتني ريال يبي درب . اقول احم احم .. روحي بس استريحي .. حراامي بيجي لج في عز الصبح .. " وتصحح للخدامه المعلومة ": الحرامي ايجي الليل
الخدامه " تفتح فمها وكأنها صدقت اسماء " : اهاا
اسماء : والحين وريني عرض اكتافج .. وعلى المطبخ
الخدامه " توقف مكانها " : اول انت يقول .. وين رحت
اسماء " تفر لها وتعطيها نظره حاده " : حاا
الخدامه " تمسك جلابيتها بيديها وتركض ناحية المطبخ "
اسماء " تكلم روحها " : ما تيي الا بالعين الحمرة .. حسبي الله على بليسها .. بس الهبله تونسني .. غيرت مزاجي في ثانيه
وتوقف من قعدتها وتحمل البيبسي .. وتتجه ناحية غرفتها .. وتركت التلفزيون مفتح .. علشان تخلي الخدامه في فترة رعب منها ..
<<< بل بل عليج يا اسماء طلعتي موب هينه
نرجع للرواية
دخلت دارها .. واحتارت في شنو تسوي .. فما كان عندها غير خيار واحد .. تتجه للبيانو مالها وتبدي تعزف ..
قعدت وبدت تعزف وتغني .. وطبعا الأغاني من تأليفها : علبالك الدنيا مثل اول .. حب وفا ومدلل .. علبالك الدنيا مثل اول .. ياعيني الدنيا تتغير .. والقلوب بدت تتحجر .. كل واحد نفسي نفسي .. والباقي ماهم مني ... ماهم مني .. اتموت وترحل ومخلص ما تحصل .. وين الوفا وين ؟ وين الأمان وين ؟
ووقفت عن عزف دي الأغنيه .. وغيرت اللحن لأغنية ثانية :
يامهاجر وتاركني .. يامسافر وراحل عني .. تدري بغلاتك في قلبي شحقه تعذبني .. يامهاجر لا ترحل عني .. ابق قربي وجنبي .. تراك صرت ظلي ولاا في لحظة اتغيب عني .. تدري برحيلك عني .. انسى كل احساسي .. قلبي قلب قااسي .. تكفى لا تردني .. تقول غلطت تراه ماهو بذنبي .. هذا كل من حبي .. اقسي انا على نفسي .. شسويت ! تقول تجاوزت حدي .. تراه ماهو بيدي .. هذا كل من قلبي .. يقودني ويسوي الي يبي .. يامهاجر تكفى اسمعني .. خلني ادافع عن نفسي .. لا تروح ظالمني وبسفرك تجرحني .. محد راح يداويني .. في هالدنيا الكل تخلى عني .. وخلوني لحالي ابجي على حظي ..
رفعت يديها من على البيانو بملل .. واتجهت لدرج طاولتها .. وطلعت حبوب بندول لعوار الراس ..ورمت بروحها على سريرها وسلمت روحها للنوم .. والبعد عن الجو الي تشعر ابه ..
:: في بيت الاء ::
الاء " تتقرب من امها بتردد " : اقول يما
ام الاء " ما ترد عليها .. وتتصفح في الجريدة الي في يدها "
الاء " تطّل براسها في ويه امها " : يماا .. اكلمج
ام الاء " تترك الجريدة على صوب " : شعندج ؟
الاء " موب عارفه شلون تبتدي مع امها " : شخبارج ؟
ام الاء " تستغرب لها " : زينة .. متأكدة ما تبين شي
الاء "تقطع امها " :امبله ابي .. شلون ماا بي .. " وبتوتر " : انه بقول وانتي عاد كيفج
ام الاء : قولي .. خلصيني .. اسمعج
الاء : اسووم بتسوي حفله ويا ربعها بمناسبة تخرجهم واخر يوم بيكونون مع بعض .. لأنهم بيفترقون .. وبتسوي الحفله في روضتهم .. في البرجة .. وعزمتني اروح معاها .. شرايج ؟ موافقه
ام الاء : حق متى ؟
الاء : عقب باجر .. من الصبح بنرد 4 العصر
ام الاء " تحمل الجريدة مرة ثانية " : اوكي
الاء " تفرح " : اوكي يما .. يعني موافقه ؟
ام الاء : ايي
الاء " تنط من الوناسه " : هيييييييييه
ام الاء : بس بشرط
الاء : شنو يما .. آمري من عيوني
ام الاء " تنظر لها من طرف عيونها " : صج مصلحة .. لين جيت بقعدج تقومين من اول مرة ..
الاء : بقعد لج من صلاة الفجر وما برقد
ام الاء : والحين ابي حجرتج معدله ومرتبه .. لين جفت غير جدي ماكو روحه
الاء " تنفد كلام امها " : حاظر .. الحين بتجوفين الحجرة المع من الزجاج مثله
ام الاء : بسج حجي .. وروحي نفدي الكلام يالله
الاء " تتحرك من مكانها " : ان شاء الله
وتركض الاء لحجرتها وتحمل التلفون بكل فرح .. تبي تتصل وتخبر اسماء .. وتبشرها بأنها بتروح ..
وتطول رنة التلفون واسماء ما ترفعه ...
الاء " حاطه التلفون على اذنها وتكلم روحها " : معقوله للحين نايمة !!
ردي .. رديي .. " وتصك التلفون " : ماكو فايدة .. صج لين قالوا خيشة نووم .. اقعد على النت يمكن اجوفها على الخط
واتجهت للكمبيوتر وفتحت ايميلها وانصدمت بأن اسماء موب قاعده
الاء : يـــه ! وين رااحت ذي ؟
وانتبهت ان وسن على الخط وقاعده .. فكلمتها وكانت المحادثه :
الاء : هاي
وسن : هايات
الاء : شخبارج ؟
وسن : تمام وانتي
الاء : الحمدلله
وسن : دوم
الاء : وياج .. وين اسماء ؟
وسن : اسماء في البيت
الاء : أي شفيها ؟ ما ترد على التلفون ؟
وسن " تستغرب " : صج ؟ توني مكلمتها
الاء : عيل شحقه ما ترد عليي ؟
وسن : والله مادري .. اهيا معصبة
الاء : على شنو ؟
وسن : نسبتها موب عاجبتها .. مع ان نسبتها حلووة
الاء : جم يابت ؟
وسن : 89
الاء : انزين .. زينة بس اهي هبله ..والحين شنو يعني ما بترد عليي .. انزين انه شكوو ؟ ليكون انه الي كتبت نسبتها وطلّعت شهادتها !!
وسن : اخاف الا سوت في روحها شي
الاء : صح هاي انسانه مينونه
وسن : اوك نطري .. بتصل لها اجوف .. يمكن اترد عليي
الاء : ايي والله ..اتسوين خير
وسن : برب
وتترك وسن الكمبيوتر وتتجه لسريرها وتحمل تلفونها وتتصل على اسماء ... ويرن ويرن التلفون .. ولا من مجيب من قبل الطرف الأخر ..
وسن " بدا قلبها ينقبض على اسماء " : لاا .. شحقه ما تردين ؟ ردي بليييز .. ماكو الا اتصل على تلفون بيتهم
وصكت التلفون وردت تتصل على تلفون بيت اسماء ..
في حين في بيت اسماء
سمعت الخدامه رنين التلفون الموضوع في الصالة واتجهت له . : آلوو
وسن " تشارك اسماء في الشعور .. في انها ما تحب الخدامه " : هلا نيا .. وين اسماء ؟
الخدامه : والله مادري .. هاذي واازد مافي مخ .. يترك تلفزيون فتح ويروح فوق ..
وسن " تطمن شوي على اسماء " : يعني اهيا بدارها
الخدامه : أي في غرفه مال هوا
وسن : انزين روحي جوفيها .. شتسوي لأن اتصل لها ما ترد .. اخاف صار لها شي .. تعرفين اهيا مريضة
الخدامه : انزين انزين .. انتظر شوي بس .. انه في يجوف هوا ... بس اذا سوت صرااخ على انا .. انا مافي يكلم انت سبوع كاامل
وسن " تعفس بملامح ويها .. وبأمر " : يالله روحي
الخدامه : اوكي
وسن " تكلم روحها " : عشتو ما بتكلمني اسبوع .. مايته علييج الحين انه ابي اكلمج .. والله حاااله
وركبت الخدامه .. وراحت لغرفه اسماء .. واهيا متعوده تدخلها من دون ما تطق الباب ..
دخلت الغرفه ونظرت ل اسماء الي كانت مفتحه يديها على وسعهم ورجليها ..
الخدامه " تضرب على صدرها " : هذا سنو يسوي ؟
وتقرب من اسماء .. ولاحظت عليها انها تتنفس .. وحاولت ان تصّحيها : اسماء .. اسماء قووم .. رفيجك مال مدرسة وسن يبي انت ... قووووووم
اسماء " بكل صعوبه وكانها مخدّره .. تحرك يديها وتأشر للخدامه على الباب .. وتتكلم بصوت منخفض " : طلعي بره .. خلصيني .. ابي انام مابي اكلم احد ...
الخدامه " تستغرب لحال اسماء " : اوكيه انه في يقول لهوا
وركضت للتلفون وكلمت وسن : آلووو
وسن " تنبته لها " : ها جيتي ؟
الخدامه : أي .. هاذي اسماء مافي مووت
وسن " تفتح عينها " : ايا الجلبة تبينها اتمووت يعني مع ويهج .. شفيها عيل .. شتسوي ؟
الخدامه : نايم .. وفي يقول ليي هوا ما يبي يكلم احد .. يبي يناام ..
وسن : اوكي .. يالله باي
الخدامه : باي
ترجع وسن للكمبيوتر والنت .. وتكلم الاء .. وكانت المحادثه ::
وسن : اتصلت على تلفونها ما ترد .. اتصلت على بيتهم
الاء : أي شفيها ؟
وسن : ماكو .. طلعت نايمة وما تبي ترد على احد او اتكلم احد
الاء : اها
اسماء عرفّت وسن على الاء .. لأن الاء تعتبرها مثل اختها مو بس بت عمتها .. وتقول لها كل شي عنها .. وصارت الاء تكلم وسن وقت الي تبي .. سوا كان على النت او بالتلفون .. او بأي مكان ..
.
.
.
.
نتقدم ليوم الحفله .. الي بتقوم ابها اسماء لرفيجاتها القريبات منها ..في روضة امها ..
في بيت اسماء
في الصالة
السبت مارس 28, 2009 6:52 am
